South Korea Visa FAQs

(Updated 8/29/2015)

Agent P’s Note:

Nirevise ko po ang page na ito para mas madaling maintindihan ng nakararami at para hindi mahirapang magbasa ang mga walang panahong magbasa. :razz:

IMPORTANT ADVISORY:

THE INFORMATION ON THIS PAGE IS FOR APPLICANTS OF ORDINARY TOURIST VISA FOR PHILIPPINE PASSPORT HOLDERS WHO WILL APPLY AT THE EMBASSY OF SOUTH KOREA IN THE PHILIPPINES ONLY. If you don’t fall under this category, I’m sorry but I am not in a position to answer your query.

PAKIBASA PO MUNA ANG BUONG ARTIKULO BAGO MAG-POST NG TANONG. :smile: Maaari pong ang sagot sa inyong tanong ay nasa Frequently Asked Questions (FAQ) na.

Hindi ko na po sasagutin kung ang tanong ninyo ay: ANO PO ANG REQUIREMENTS PARA MAKAKUHA NG VISA. Meron na pong listahan na nakapost sa website ng South Korea Embassy in the Philippines para sa mga requirements. Mangyaring pakibasa po muna ito ng buo.

Hindi ko po masasagot kung ang tanong ninyo ay:

1. Ano po ang chance ko na mabigyan ng visa?
2. Makakapasa/madedeny po kaya ako?
3. Ok lang po ba…/mas maganda po kaya kung…/mas malaki po ba ang chance ko kung…/makakatulong po kaya kung…

Hindi ko rin po masasagot kung ang concern ninyo ay:

1. Tungkol sa pagkuha ng student/working/spouse/any kind of visa na hindi tourist;
2. Kung kayo ay may record sa Korean immigration na nag-overstay sa Korea o anumang kaso na maaaring makaapekto sa application ninyo.

EMBASSY LANG PO ANG NAKAKAALAM NG SAGOT SA MGA TANONG NA YAN.

===

FREQUENTLY ASKED QUESTIONS:

1. Ano po ang mga requirements sa pagkuha ng visa sa South Korea?

Iba-iba po ang requirements depende sa credentials ninyo. For the complete list of requirements, please visit this link:

Official Website of the South Korea Embassy in the Philippines (English site) >>Consular/Visa Service >> Visa Requirements.

Please take note that the above link is from the Official Website of The South Korean Embassy in the Philippines. Doon po makikita ang tama, kumpleto at updated na impormasyon tungkol sa pagkuha ng visa kung kayo ay Philippine passport holder. Sa website na iyon lang po tayo dapat sumunod at hindi sa iba pang website na maaaring iba ang ibinibigay na impormasyon.

Maari n’yo rin pong tingnan ang INFOGRAPHIC na ito para sa basic requirements and procedures ng paga-apply ng Korean visa:

[Infographic] How to Apply For A Korean Visa (credits: GMA Network Official Website)

Important Update, 02/17/2015:

Mayroon na pong bagong rules ang embassy para sa mga Employees (screencapped from the official SK Embassy website).

newvisareq

Sa mga nagtatanong kung applicable po ba ito sa lahat, pati sa mga OECD-member visa holders, narito po ang sagot ng Embassy sa kanilang Facebook page:

“Hello, the new requirements are the expanded version of the previous one, with the (photocopy of) valid OECD visa/s being one of the many other requirements for the tourist visa applications.”

Source

1.a. Original po ba ang documents na isa-submit?

HINDI PO LAHAT. Ang original lang po na kailangan ay ang Certificate of Employment at Bank Certification. Yung iba, photocopy lang po. Bukod po sa dalawang nabanggit sa itaas, HUWAG NA HUWAG PO KAYONG MAGSASUBMIT NG ORIGINAL NA DOKUMENTO LALONG-LALO NA NG MGA LAND TITLE, CAR REGISTRATION, BUSINESS REGISTRATION, etc. DAHIL HINDI NA PO ISOSOLI NG EMBASSY ANG MGA ITO.

1.b. Wala po akong work at hindi rin po ako student. Pwede pa rin po bang mag-apply ng visa?

Pwede po kayong mag-declare na may financier o ibang tao ang gagasta para sa trip ninyo. May portion po sa application form kung saan itinatanong nila kung sino ang gagasta sa trip.

Note: hindi po guarantee ito na mabibigyan kayo ng visa. Ang sinasabi ko lang po, kung hindi kayo maka-kumpleto sa requirements, maaari kayong mag-apply through a financier.

1.c. Ano pong documents ang isasubmit pag may financier?

Same documents rin po ng aplikante, pero nakapangalan sa financier + affidavit of support, where applicable (see: FAQ No. 8b). Kailangan rin po ng proof of relationship (example: kopya ng birth certificate).

(For more information, see FAQ No. 8.)

2. Saan po nakakakuha ng form?

a. Pwedeng i-download mula sa website ng South Korea Embassy, NOTE: Simula sa September 01, 2015, bagong application form (5 pages) na po ang gagamitin sa pagkuha ng visa;
b. Meron ding available sa embassy mismo.

2.a. Ano pong size ng papel ang kailangan sa pagprint ng application form? Mahigpit po ba sila sa size ng papel?

A4 ang nakalagay na size sa form pero payag rin naman sila sa letter size (8.5 x 11)

3. Gaano po katagal ang processing ng tourist visa?

Five working days pag first or second timer; 3 working days sa mga 3rd-timer pataas at mga holder ng visa mula sa OECD-member countries. Maaaring madagdagan kung mag-decide ang embassy na kailangan pa nila ng additional documents mula sa aplikante (note: exception po ito, hindi general rule).

3.a Mga gaano po katagal ang pila sa embassy?

Mabilis lang po. Pinakamatagal na yung 20 minutes kung maraming aplikante at maraming may problema ang papeles.

3.b Saang window po ako dapat pumila, sa Window 1 o Window 3?

Hindi nyo na kailangang ma-stress sa kakaisip kung saang window dapat pumila dahil pagpasok ninyo sa embassy, may screening process muna sa Information Desk sa may pintuan. Sila ang magsasabi sa inyo kung saang window kayo dapat pumila. May mga guards din doon na laging handang mag-assist kung may mga tanong kayo.

4. Balak ko po mag-tour sa Korea sa December. Pwede na po ba akong mag-apply ngayong June?

Hindi pa po, dahil 90 days lang ang validity ng ordinary tourist visa. Pwede rin kayong mag-apply, pero mae-expire din naman bago kayo umalis so sayang naman ang effort, di ba?

Para po malaman kung kailan kayo dapat mag-apply, bumilang lang po kayo ng 90 days mula sa projected date of departure ninyo papuntang South Korea. Kailangan po pasok sa 90 days na iyon ang date ng pagsubmit ninyo ng application sa embassy.

5. May show money po ba? Magkano po?

Wala pong show money sa pagkuha ng South Korea visa. Hindi rin po applicable sa kanila yung mas maraming pera sa bangko, mas garantisadong makakapasa. Mas tinitingnan po ng embassy kung stable ang economic ties natin sa bansa natin (ie., may stable na source of income). May mga cases na po na milyones ang pera sa bangko pero nadedeny, at meron din pong halos pang-grocery lang ang bank balance pero nakapasa.

5a. Pwede po bang gamitin ang payroll account para sa bank certificate?

Pwedeng-pwede po. Ang payroll account po ay isang personal bank account.

6. Wala po akong ITR o Form 2316 kasi online job po ang trabaho ko/self-employed po ako/minimum wage earner po ako/OFW po ako o ang parents o sponsor ng trip ko/maliit na tindahan lang po ang negosyo ko/exempted po sa BIR ang kompanyang pinagtatrabahuhan ko. Paano po yun?

a. OFW ako/parents ko/sponsor ko – Pwede po na ilagay sa COE ninyo o ng sponsor nyo na exempted kayo sa pagbabayad ng income tax sa Pilipinas based on existing laws. O kaya, gumawa kayo ng Income Tax Return at patatakan ninyo ng EXEMPT sa BIR Revenue District Office sa municipio o city hall ninyo. Maaari rin po kayong mag-attach ng kopya ng Overseas Employment Certification mula sa OWWA;

b. Exempted sa BIR ang kompanyang pinagtatrabahuhan ko – ipalagay ninyo sa COE na tax-exempt ang kompanya or organization (state the specific law para mas malinaw);

c. minimum wage earner – same as (a) except for the OWWA certification;

d. online job/self-employed/maliit na negosyo – unless below minimum po ang income ninyo, hindi po kayo exempt sa pagbabayad ng income tax. At kahit zero (Php 0.00) po ang income tax due ninyo (iba po ito sa exempted; ang zero-tax due po, ibig sabihin Php 0.00 po ang tax due na lumabas sa computation ng income tax ninyo) punishable by law din po ang non-filing ng ITR.

Take note: hindi po porket may ITR/Form 2316 ay garantisadong makakapasa. Ang sigurado lang po, pag wala kayong ITR/Form 2316 gayong dapat ay meron, ni hindi po tatanggapin ng embassy ang application ninyo.

6.a Wala po akong Form 2316 kasi wala po akong employer. Paano po yun?

Income Tax Return po ang dapat ninyong isubmit. Ang Form 2316 po ay para lamang sa mga empleyado na iisa lamang ang naging employer sa buong taon, at winithhold na po ng employer ang income tax nya sa buong taon kaya hindi na sya kailangang magfile ng ITR ayon sa BIR regulations (substituted filing po ang tawag dito). Yung Form 2316 na po ang tumatayong ITR nya. Kung ang aplikante ay hindi naman qualified sa substituted filing, natural lang po na wala syang Form 2316. In that case, ITR na po ang dapat na mayroon sya.

6.b. Wala pa po akong ITR/Form 2316 kasi this year lang po ako nag-umpisa sa trabaho. Paano po yun?

Ayos lang po yun. Makikita naman po sa COE ninyo kung kailan kayo nag-umpisa sa work ninyo.

6.c. Bago lang po ako sa current work ko pero nagtrabaho na po ako dati. Ibang kompanya pa po ang nakalagay sa Form 2316 ko. Ok lang po kaya yun?

Ok lang po. Makikita naman po sa COE kung kailan kayo nag-umpisa sa current work ninyo. Kung hahanapan pa rin kayo ng ITR o Form 2316 sa embassy, pwede ninyong subukang humingi sa HR ng kompanyang pinapasukan ninyo ng partial Form 2316. Note: Hindi po lahat ng kompanya ay nagbibigay nito, pero wala naman pong mawawala kung susubukan nyong humingi.

6.d. Sabi po sa embassy mali daw po ang TIN ko. Paano po yun?

I-verify nyo po sa BIR kung tama ba ang TIN ninyo.

6.e. March pa po magiging available ang Form 2316 ko pero kailangan ko na po mag-apply ng January. Pwede po ba na yung ITR/Form2316 ko ng previous year ang isubmit ko?

Pwede po dahil April 15 pa naman ang deadline ng submission ng ITR. Understandable po na maaaring hindi pa available ang latest ITR ng January.

7. Kaka-graduate ko lang po this March kaya wala pa po akong work. Ano po kayang documents ang pwede kong isubmit since wala pa akong ITR at COE at hindi na ako student?

Bukod sa financial documents ng parent or financier, pwede rin po kayong mag-attach ng kopya ng diploma or transcript of records bilang kapalit ng enrollment certificate o COE.

8. (Assuming na kasama ang financier sa trip) Kailangan po ba ng separate application form para sa financier at mga sasasgutan nya ng gastos sa trip? Paano po yung mga supporting documents?

Opo, isang set po ng application form + supporting documents kada aplikante. Pwede po na isang set na nandoon ang mga original, tapos photocopy na lang dun sa iba. Kailangan lang po nakaindicate sa application kung sino ang financier ng trip.

8.a Grupo po kami na aalis. Kailangan po ba lahat kami pupunta sa embassy para personal na isubmit ang application?

Hindi naman po. Pwede pong isa na lang ang pumunta, pero mas maganda po na nandoon mismo yung tao para kung may problema, maaaksyunan agad.

8.b. Kailan po kailangan ng affidavit of support?

Kailangan po magsubmit ng affidavit of support kung:

a. Ang child ang financier sa trip ng kanyang magulang; o
b. Ang financier ay hindi magulang o legal guardian ng aplikante (ie., kapatid, kamag-anak, kaibigan, kakilala, etc. basta hindi magulang o legal guardian).

9. Makakatulong po ba kung ia-attach ko yung airline at hotel booking ko?

Hindi po kasama sa requirements nila ang airline at hotel booking. Inaalis po nila lahat ng dokumento na hindi kasama sa listahan nila.

10. Mas garantisado po bang makakapasa kung ipapa-agency ko ang application ko?

Hindi po. May mga nadedeny rin po sa mga nagpa-agency. Libre lang naman po ang pag-apply, kaya kung hindi rin naman hassle, kayo na lang po ang magsubmit ng application ninyo. Mas masosolusyonan pa po agad kung halimbawang may problema sa application ninyo.

11. Kailangan po ba ng personal appearance sa embassy? May interview po ba? Bakit po yung iba hinihingan ng Meralco bills? Kailangan po ba yun?

Personal appearance is not required. Interview is optional, depende po sa discretion ng consul yun kung sa tingin nya kailangan pa nya interviewhin ang aplikante. Tungkol sa Meralco bills, nasa discretion din po ng consul ito. Hindi lahat ng aplikante ay hinihingan nito. Kung maaayos naman po ang mga basic requirements na isinumbit ninyo, wala po tayong dapat ikabahala.

NOTE: Kung ipapakuha nyo lang po ang passport ninyo sa isang representative, siguraduhin po lamang na dala ng representative ang inyong claim stub. No claim stub, no passport.

12. Strikto po ba sila sa size ng picture sa application? Kailangan po ba white background?

Passport-sized po ang required sa embassy pero pumupwede rin naman ang 2 x 2. Pero as much as possible, sumunod po tayo sa regulasyon nila.

Sa bagong application form, nakalagay doon na WHITE OR OFF-WHITE background dapat ang picture na ilalagay.

Basta maayos lang po ang ID picture, pwede po yan. Wag naman yung tipong selca/selfie na naka-Gwiyomi. :grin:

13. Ok lang po ba kung 6 months ago pa yung COE ko? Gaano po katagal dapat na-issue ang Bank certificate/COE?

[Updated] Ayon po sa bagong notice ng South Korea embassy, simula sa March 1, 2015, ang tatanggapin po nilang COE at bank certificate ay na-issue ng hindi hihigit sa tatlong buwan (3 months) mula sa date ng inyong application.

14. Tumatawag po ba sila talaga sa kompanya/bangko/BIR para mag-verify?

Ke tumatawag o hindi, i-assume natin palagi na OO, nagbe-verify sila. Kaya kailangan siguraduhin natin na tama at updated lahat ng information na nakalagay sa application natin.

Ang confirmed lang na ginagawa talaga ng SK embassy ay ang i-verify ang ITR/Form 2316 ng aplikante. Marami na po ang nadeny o na-delay ang processing ng application dahil sa iba ang information na ibinigay ng aplikante sa na-verify nila sa BIR.

15. Ano po ang che-checkan ko sa ‘Item No. 3.1 – ‘Passport type’?

Unless po na ang passport natin ay Diplomatic or Official (yung kulay pula na ginagamit ng mga government officials at diplomats on official travel), Regular (yung kulay maroon) po ang che-checkan natin dito.

16. Ano po ang ilalagay ko sa ‘Address and phone no. in Korea’ kung wala pa po akong nabu-book na hotel/hostel?

Pwede pong maglagay ng random na pangalan ng hotel/hostel, o kaya ‘undecided’.

17. Ano po ang ilalagay sa National Identity No.?

N/A (not applicable) po kasi wala po tayong National ID system.

18. Ano po ang isasagot ko sa ‘DETAILS OF SPONSOR’?

Unless po meron kayong invitation mula sa isang Koreano o isang foreign resident ng Korea, ‘n/a’ lang po ang isinasagot dito.

20. I’m a holder of a visa from an OECD country. Sabi sa requirements hindi na raw kailangan ng ITR at bank certificate pag may OECD visa. Kailangan ko pa rin bang mag-submit nito?

Optional na lang po ito sa OECD visa holders. Pero kung meron ka namang dala, isubmit mo na rin para hindi naman masayang ang effort. :smile:

Important UPDATE: May bagong issuance po ang South Korea embassy. Required na po uli ang bank certificate sa mga may visa from OECD-member country(ies). ITR na lang po ang optional. Refer to the official website of the South Korea embassy – Topic No. 11 dated November 28, 2013 “Updated Requirements for Frequent Travelers” for more details.

21. Kung madeny ako, kelan ako pwedeng mag-apply ulit? Pwede bang mag-file ng appeal pag nadeny?

After six months po pwedeng mag-apply uli. Maliban na lang po kung importanteng-importante ang dahilan ng pagpunta ninyo sa Korea, pwede pong mag-file ng appeal pero malamang po hindi ito pagbibigyan ng embassy.

21.a. Nagamit ko na yung visa ko pero babalik uli ako sa Korea agad-agad. Pwede na ba ako mag-apply uli kahit kakagamit ko lang nung visa? Hindi kaya magkaproblema ang application ko?

Wala naman pong rule na bawal mag-apply agad-agad pagkagamit ng visa. Mas magkakaproblema po kayo kung babalik kayo sa Korea ng walang visa gayong dapat ay meron.

21.b. Nabigyan ako ng visa pero hindi ko nagamit. Pag nag-apply ba ako ulit, madedeny ba ako dahil hindi ko ginamit yung visa?

Hindi naman po. They won’t take it against the applicant kung hindi nya nagamit ang visa nya.

Upd – October 7, 2013:

Ayon sa mga bagong nag-apply na hindi nagamit ang previous SK visa nila (most recent), nirerequire na raw ngayon ng South Korea embassy na mag-apply ng 90-day visa (may bayad na php1,350) ang aplikante pag hindi nya nagamit ang nakaraang visa na ibinigay sa kanya. Ito raw ay para masiguro na gagamitin nya ang visa nya dahil ayon daw sa research ng embassy, mas marami ang aplikanteng nabigyan ng visa pero hindi ginamit. Nade-defeat daw ang purpose ng pagluluwag nila sa visa requirements. Gayunpaman, hindi pa malinaw ang policy ng embassy tungkol dito kaya may mga aplikante na may previous visa na hindi ginamit (isa na po ako doon) pero hindi naman nirequire na kumuha ng 90-day visa. Ina-assume pa lang po natin sa ngayon na ang rule ay para doon sa mga aplikante na hindi ginamit ang pinakahuling SK visa na ibinigay sa kanila.

Kung ikaw ay nabigyan na dati ng visa pero hindi mo nagamit at maga-apply ka ulit ngayon, makabubuting maghanda ng php1,350 just in case na irequire ka ng embassy na magbayad para sa 90-day visa.

22. Nagresign na po ako sa trabaho. Pwede ko po bang i-attach ang COE ko na galing sa dati kong work?

Hindi po. Ang sine-certify po ng COE o Certificate of Employment ay kasalukuyan kayong nagta-trabaho sa kompanyang iyon. Kung resigned na po kayo, hindi na po pwedeng i-submit ang COE ng previous employer dahil pag tumawag ang embassy doon, ang isasagot sa kanila ng kompanya, hindi kayo employed doon. Magiging misleading na po ang information na ibinigay ninyo sa embassy at siguradong made-deny kayo. Ang tawag po sa dokumento na galing sa previous employer na pwede ninyong isubmit sa embassy ay service record kung saan nakasaad na kayo ay nagtrabaho sa kanila sa ganitong period/petsa. Hindi po COE.

23. Sabi po sa embassy, bawal mag-apply ng visa ang unemployed o walang business. Totoo po ba ito? / May work po ako ngayon pero by the time na maga-apply ako ng visa, end of contract na po ako so wala na po akong trabaho. Ano po ang pwede kong gawin para makapag-apply ng visa?

Ang una po kasing tinitingnan ng consul sa mga aplikante ay kung may ‘strong economic ties to the home country’ siya. Ang ibig sabihin po nito, hindi lang po inaalam ng embassy kung kaya ng aplikante na tustusan ang pagbabakasyon sa Korea kundi sinisiguro rin nila na hindi magti-TNT o may sapat na dahilan ang aplikante para hindi sya mag-overstay sa Korea. Alam ko po na medyo unfair ito lalo na sa mga turista na totoong bakasyon lang naman ang purpose ng pagpunta sa Korea, pero wala po tayong magagawa dahil marami naman talaga sa mga kababayan natin ang hindi na umuwi at illegal na nagtatrabaho doon.

Ang pinaka-basic po na dokumento na magpapatunay ng ating strong economic ties to our mother country ay ang Certificate of Employment o business registration. Kung wala po tayo nito, mas mahirap para sa embassy na makumbinsi na may dahilan tayo para bumalik pa sa Pilipinas o sa kung saang bansa man tayo naninirahan sa kasalukuyan.

Gayunpaman, hindi naman po nangangahulugan na bawal na mag-apply ang mga walang trabaho o walang pinagkakakitaan. Maaari din naman pong sundin ang payo sa FAQ No. 22, o di kaya ay mag-submit ng tinatawag na ‘alternative documents’. Nakalista po sa requirements file na mada-download sa embassy website kung ano-ano ang mga dokumentong pwedeng ipalit kung wala tayong COE o business registration.

===

MGA DAPAT TANDAAN SA PAGKUHA NG SOUTH KOREA VISA:

1. Siguraduhin po na walang bura (erasures) ang application form at maayos ang pagkakasulat. Partikular po ang Korean embassy sa kaayusan ng ating application form. Huwag na huwag rin po nating lalagyan ng bura or alteration ang ating mga supporting documents. Nagkakaroon po ng duda kapag may mga bura o alteration sa mga dokumento. Siguruhin din po na may sagot ang lahat ng blanks sa application form. Sa mga items na hindi natin masasagot o wala talagang sagot (eg., “Name of spouse” para sa mga single), N/A o not applicable po ang ilalagay natin.

2. (New schedule starting June 01, 2015) Tumatanggap po ng application ang South Korea embassy from 8:30-11:00am, Mondays-Fridays. Ang releasing naman po ay mula 1:30-4:00pm. Mahigpit po nilang sinusunod ang hours of operation kaya sundin rin po natin.

3. Huwag po tayong mag-atubili na magtanong sa Information Desk o sa mga guards sa embassy kung meron po tayong kailangang malaman. Accommodating po sila sa concerns ng mga aplikante.

4. Ayusin po natin ang order ng supporting documents base sa listahan ng requirements na galing sa embassy.

5. Maging specific po tayo sa pagsagot sa “Purpose of Travel”. Hindi naman po kailangang ilista ang buong itinerary. Kailangan lang po yung at first glance ay makikita agad ng consul kung ano talaga ang gagawin natin sa Korea. Kahit po simpleng “vacation” or “holiday”, pwede na po (pero huwag po nating ilalagay na purpose ay “to travel”, nadedeny po pag yun ang inilagay).

3,283 comments

  1. Hello agentp. May bagong visa announcement po.. new application form starting sept 1. Kakatapos ko lng po magapply kanina and yung old application form pa din po ang ginamit ko ksi sept 1 pa nman daw po effectivity nung bago.. and napasa ko na po ang application ko.. problem is hnd ko pa maalala kung nasagutan ko po yung question kung san po ako nagtravel for the last 5yrs.. na nakalimutan ko po ata sagutan yung part po na yun.. ok lng po na na may may naiwan ako isang blank space or no answer.. thanks

  2. Para sa lahat: Pakiusap po, PAKIBASA MUNA ANG ARTIKULO SA ITAAS, lalo yung nakasulat sa KULAY PULANG LETRA. Pinaghirapan ko pong isulat yun, pansinin nyo naman. :hihihi: Salamat po!

  3. Share ko lang experience namin last August 24.. Yung gf ko may kapatid sa Korea na may asawang Koreano.. NakapagKorea na din sya ng isang beses.. Pero nung mag-apply siya ng visa last August 24 dahil wala syang trabaho ang pinakita nyang documents ay documents ng ate nya kasama ang affidavit of support.. Pinacheck nya muna documents nya sa receptionist bago nya ipasa sa window 1, ok naman, inayos nya na din yung pagkakasunod sunod.. Pero nung pinasa nya sa window 1 yung mga documents, binalik sa kanya sabi daw sa kanya.. “No work, cant apply” “Wala trabaho hindi pwede apply”, yan daw exact words ng nasa window 1.. Pumunta ulit sya sa recepcionist.., sabi sa kanya, bawal na daw talaga ang walang trabaho, kahit dala mo financial documents at affidavit of support ng guarantor.. :(

  4. Pasensya na po, pero feeling ko po hindi ko po naintindihan yung tungkol po sa SPONSOR.

    “1.c. Ano pong documents ang isasubmit pag may sponsor?

    Same documents rin po ng aplikante, pero nakapangalan sa sponsor + affidavit of support, where applicable (see: FAQ No. 8b). Kailangan rin po ng proof of relationship (example: kopya ng birth certificate).”
    “8. Kailangan po ba ng separate application form para sa sponsor at mga iisponsoran ng trip? Paano po yung mga supporting documents?

    Opo, isang set po ng application form + supporting documents kada aplikante. Pwede po na isang set na nandoon ang mga original, tapos photocopy na lang dun sa iba. Kailangan lang po nakaindicate sa application kung sino ang sponsor ng trip.”

    Tama po ba ang intindi ko na, para sa mga may sponsor.. ang mga kailangan ay:
    -Application form (ng pupunta sa korea, at hindi ng ma-iisponsor)
    -Bank certificate ng Mag-iisponsor
    -ITR ng mag-iisponsor
    -Affidavit of Support (Saan po ba nakakakuha nito?)

    Maraming salamat po!

  5. DJ: Yes (assuming na hindi kasama sa trip ang sponsor). Yung Affidavit of support, letter lang yun from the sponsor na nagdedeclare na sagot ng sponsor yung gastos. Yung iba pinapa-notarize para mas matibay ang credentials.

  6. MARAMING SALAMAT PO, Agent P :)
    May isa pa po akong tanong, nalito lang po kasi ako sa application form ng sa:
    DETAILS OF SPONSOR and sa FUNDING DETAILS.

    Ang intindi ko po kasi is ang ilalagay ko pong pangalan sa DETAILS OF SPONSOR is from Korea lang dapat. nakalagay po kasi doon, ” Name of Visa Sponsor (Korean, Foreign Resident in Korea, COMPANY, OR INSTITUTE)”

    at sa FUNDING DETAILS ang ialalagay ko po ay yung magsponsor sa akin from the philippines.

    Salamat po!

  7. DJ: Sa bagong form, iba ang ibig sabihin ng SPONSOR. Ito yung ‘guarantor’ sa old form. Wag mo na pansinin yung SPONSOR part unless may invitation ka from a Korean. (I will be revising the FAQ for this purpose.)

  8. Good morning AgentP and everyone… I just tried my luck applying for tourists visa. will be release on September 04, Friday.
    Hoping na granted visa… :dream:
    I just passed bank certificate and bank statements. Copy of my passport and the visa and my travel from Uk twice as a tourist.
    The girl in window 3, said… “So youre unemployed? I said ” YES. Because i just got back from UK last june 15. She said, there’s no guarantee that you will have a visa. Because we have policy that “No Work, No visa”.
    Hay! Bahala na po si batman! Pero sana I consider nila yung application ko. :angel:
    I’ll post here no matter what happen.
    Again, thank U.

  9. Good Afternoon Agent P
    Agent P in the new application form under Employment please give me an advice to what should i mark unemployed or other? because i resigned from my work last April then i just finished my short language class last August and currently preparing my requirements to take some short course in culinary. Please help me Agent P. Thank you very much

  10. Hi AgentP,

    Kindly give us advice on how to properly fill out the new application form. Tulad ba dati ng lahat ng hindi applicable lalagyan ng N/A?

    Thank you.

  11. cheche: Sorry, I don’t quite get your first question.

    I think the old standards still apply (don’t leave anything blank, avoid erasures, etc)

Leave a Reply

Your email address will not be published. Required fields are marked *

;) :yuck: :whoa: :whee!: :wall: :wacky: :tounge: :thumbup: :thumbdown: :think: :stretcher: :sshh: :spam: :soju: :smile: :sleep: :slaphead: :shutup: :shrug: :shock: :scholar: :sad: :rotflmao: :rolleyes: :roll: :razz: :rakenrol: :pray: :phew: :party: :oops: :offtopic: :nyenyenye: :nyenye2: :notalk: :nono: :neutral: :naughty: :nailbite: :mrgreen: :mic: :lol: :lmao: :kilay: :idea: :hug: :hopeless: :hmf: :hihihi: :grin: :glee: :flaming: :evil: :err: :ehh: :eek: :drool: :drool2: :dream: :dizzy: :dance: :cry: :confused: :clap: :cheer: :chair: :bop: :boinkself: :blink: :belat: :ayaw: :asar: :arrow: :angry: :angel: :ampotah: :alien: :aargh: :P :D :?: 8)

You can add images to your comment by clicking here.